काठमाडौं । चीनले कर्णाली प्रदेशका भूकम्पपीडितका निम्ति १० करोड रुपैयाँबराबरको राहत सामग्री उपलब्ध गराउने भएको छ ।

नेपालका निम्ति चिनियाँ राजदूत छन सोङले शनिबार सामाजिक सञ्जाल एक्समा पहिलो आपत्कालीन प्रतिक्रियाका रूपमा चीनले भूकम्प प्रभावित क्षेत्रमा टेन्ट, कम्बललगायत सामग्री उपलब्ध गराउने जानकारी गराएका छन् ।

उनले यी सबै एक/दुई दिनमा दिइने र थप सामग्री प्रदान गर्दै जाने उल्लेख गरेका छन् ।

As the first emergency response, China will provide materials worth 100 million NPRs to the earthquake-stricken area, including tents, blankets from #China_South_Asian_Countries_Emergency_Supplies_Reserve. All this material will arrive in couple of days. More aids are on the… pic.twitter.com/o8RRMLfUnh

— Ambassador Chen Song (@PRCAmbNepal) November 4, 2023

शुक्रबार राति ११ बजेर ४७ मिनेटमा कर्णाली प्रदेशको जाजरकोट केन्द्रविन्दु भएर गएको ६.४ म्याग्निच्युडको भूकम्पमा परी जाजरकोट र रुकुम पश्चिममा ठूलो जनधनको क्षति भएको छ ।