काठमाडौं । भाटभटेनी सुपरमार्केटबाट किनमेल गर्ने ग्राहकले टाटाको टिगोर गाडी जित्नसक्ने भएका छन् ।

टाटा मोटर्स नेपालको आधिकारीक वितरक सिप्रदी ट्रेडिङले भाटभटेनीसँगको सहकार्यमा दसैँको अवसरमा यस्तो अफर ल्याएको हो ।

ग्रेट भाटभटेनी कार्निभल कार्यक्रमअन्तर्गत दसैँ, तिहार र छठको अवसरमा भाटभटेनीमा कम्तीमा दुई हजार ५०० रुपैयाँको सामान खरिद गर्नेमध्ये एकजनाले टाटाको टिगोर गाडी जित्नसक्नेछन् ।

यो अफरमा घटस्थापना (असोज २८ गते)देखि पुस २५ गतेसम्म किनमेल गर्ने ग्राहक पर्ने कम्पनीले बताएको छ ।

टिगोर गाडी विजेता एकजनाको घोषणा सन् २०२४ को पहिलो साता लक्की ड्रमार्फत हुने कम्पनी बताइएको छ ।

टाटा टिगोर १.२ लिटर रिभोट्रन पेट्रोल इन्जिनमा निर्मित गाडी हो । अफर देशभरका २६ वटा भाटभटेनी सुपरमार्केटमा लागु हुने कम्पनीले जनाएको छ ।