site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
अब लाइसेन्सको राजस्व अनलाइनबाट तिर्न सकिने, लाइन बस्नुपर्ने झन्झट हट्दै

काठमाडौं । वाग्मती प्रदेश सरकारले यस अन्तर्गतका यातायात व्यवस्था कार्यालयहरूमा लाइसेन्स (सवारी चालक अनुमतिपत्र)को राजस्व भुक्तानी अनलाइनबाटै गर्न सकिने प्रणाली लागु गर्ने भएको छ ।

बिहीबार यातायात व्यवस्था कार्यालय एकान्तकुनामा भौतिक पूर्वाधार तथा यातायातमन्त्री प्रकाश ज्वालाले यसको उद्घाटन गरेका छन् ।

एकान्तकुना कार्यालयमा यो सेवा सञ्चालनमा आउने भएको छ । भोलि (शुक्रबार)देखि एकान्तकुना कार्यालयका सेवाग्राहीले लाइसेन्सको राजस्व अनलाइबाटै भुक्तानी गर्नसक्ने भएका हुन् ।

अनलाइन भुक्तानी प्रणाली सुरु भएसँगै सेवाग्राहीले कार्यालयमा लाइन लाग्नुपर्ने अवस्था कम हुँदै जाने मन्त्री ज्वालाले बताएका छन् ।

यातायात व्यवस्था विभागका निर्देशक एवं सूचना अधिकारी इश्वरीदत्त पनेरुले विस्तारै अब प्रदेशका अन्य कार्यालयहरूमा पनि अनलाइन भुक्तानी प्रणाली लागु हुने बताएका छन् ।

सुरुमा गण्डकी प्रदेशको कास्कीबाट परीक्षणका रूपमा अघि बढेको यो सेवा अब, विस्तारै देशभरका कार्यालयहरूमा लागु हुने उनले बताए ।

“गण्डकी प्रदेशका तीन वटा यातायात व्यवस्था कार्यालय (कास्की, बाग्लुङ र तनहुँ)मा अनलाइनबाटै भुक्तानी गर्नसकिने सेवा लागु भइसकेको छ । त्यसपछि अहिले एकान्तकुनामा लागु भएको हो । विस्तारै अन्य कार्यालयहरूमा पनि हुन्छ,” विभागका सूचना अधिकारी पनेरुले भने ।

योसँगै अब मेडिकल, बायोमेट्रिक र लिखित एवं ट्रायल भौतिक उपस्थिति हुनै पर्ने कामका लागि बाहेक अन्य सबै अनलाइनबाटै हुने भएको उनको भनाइ छ । 

आवेदन दिने, राजस्व तिर्ने, नवीकरणको राजस्व तिर्ने र पुनः ट्रायल दिँदा तिर्नुपर्ने जस्ता रकम अनलाइनबाट भुक्तानी गर्न सकिनेछ ।

लाइसेन्स प्रक्रिया पूर्णरूपमा अनलाइन प्रणालीमा, भिड हट्ने

यसपछि उपत्यकासहित प्रदेश अन्तर्गतका कार्यालय र त्यसपछि देशभरकै कार्यालयहरूमा यो प्रणाली लागु गरिने भएको छ । 

पहिलो पटक नै देशभर एकैचोटी अनलाइन भुक्तानी लागु गर्दा समस्या आउनसक्ने भएका कारण केही कार्यालयमा परीक्षण गर्दै लागु गर्दै जानुपर्ने भएको उनले बताए ।

प्रकाशित मिति: बिहीबार, असोज २५, २०८०  १५:०७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro