काठमाडौं । नयाँ आइफोन बढी तात्ने समस्या पहिचान गरिएको र समाधानका निम्ति आईओएस १७ मा अपडेट ल्याइने एप्पलले जनाएको छ ।

आइफोन १५ निकै तात्ने गुनासोपछि कम्पनीले सेटअप गर्दा वा रिस्टोर गरेपछि ब्याकग्राउन्डमा एपको गतिविधिका कारण यस्तो भइरहेको जनाएको छ ।

यस्तै, ‘थर्ड पार्टी’को ताजा अपडेटले सिस्टमलाई ओभरलोड गराउँदा समेत तात्ने समस्या निम्तिएको कम्पनीले जनाएको छ ।

फेसबुक, इन्स्टाग्राम र उबरजस्ता एप डेभलपरसँग यसको समाधानका निम्ति काम गरिरहेको कम्पनीले जनाएको छ । यो समस्या समाधानका लागि गरिने आईओएस १७ को नयाँ अपडेटले कार्यसम्पादनमा कुनै कमी नल्याउने कम्पनीको भनाइ छ ।

प्रयोगकर्ताले आइफोन १५ प्रो र आइफोन १५ प्रो म्याक्समा अत्यधिक तात्ने समस्या देखिएको गुनासो गरेका थिए । रोयटर्सबाट ।