काठमाडौं । दशरथ रंगशालामा जारी साफ यू–१९ च्याम्पियनसिपको सेमिफाइनलमा भारतविरुद्ध भिड्दै गरेको नेपाली युवा टोलीलाई हौसला र समर्थन प्रदान गर्नका लागि नेपाली फुटबल समर्थकहरुले बाइक र्‍याली निकाल्ने भएका छन् ।

बुधबार बिहान १० बजे रंगशालाबाट सुरु हुने उक्त र्‍याली कुपन्डोल, पुल्चोक, लगनखेल, जावलाखेल, सातदोबाटो हुँदै गोदावरीको होटेल भ्यू भृकुटीसम्म पुग्नेछ ।

नेपाली फुटबल समर्थक समूहको आयोजनामा हुन लागेको र्‍यालीले नेपाली युवा टोलीलाई नयाँ जोश दिने विश्वास गरिएको छ । नेपाली फुटबल समर्थक समूहले यो र्‍यालीमा जो कोही पनि सहभागी हुन सक्ने बताएका छन् ।

बुधबार नेपालले साफ यू–१९ च्याम्पियनसिपको सेमिफाइनलमा भारतको समाना गर्दै छ । त्रिपुुरेश्वरस्थित दशरथ रंगशालामा साँझ ५:३० बजे दशरथ रङशलामा हुने खेलमा टिकट साधारणतर्फ १०० र भीआईपीतर्फ ३०० रुपैयाँ राखिएको छ ।