काठमाडौं । इन्जिनियरिङ शिक्षा स्नातक तहको शुल्क समायोजन गरी तत्काल भर्ना प्रक्रिया अघि बढाउन सम्बन्धित विभागीय प्रमुखहरूले सुझाव दिएका छन् ।
त्रिवि प्राध्यापक संघ पश्चिमाञ्चल इकाइ, पश्चिमाञ्चल क्याम्पस प्रमुख तथा इन्जिनियरिङका विभिन्न विभागीय प्रमुखहरूले संयुक्त विज्ञप्ति निकाल्दै यस्तो सुझाव दिएका हुन् ।
विज्ञप्तिमा लामो समयदेखि यथावत् रहेकाले उपयुक्त शुल्क निर्धारण गर्नुपर्ने उल्लेख छ । “यथासम्भव छिटो सरोकारवाला सबैलाई समेटेर उपयुक्त शुल्क निर्धारण गरी क्याम्पस सुचारु गर्नुपर्ने आवश्यकता रहेको छ” विज्ञप्तिमा भनिएको छ ।
त्रिवि इन्जिनियरिङ अध्ययन संस्थान (आईओई)ले चारवर्षे इन्जिनियरिङ स्नातकका लागि तीन लाख १८ हजारबाट बढाएर सात लाख ७७ हजार ४२० रुपैयाँ पुर्याउने निर्णय गरेको थियो ।
तर विभिन्न विद्यार्थी संगठनहरूले यसमा विरोध जनाएपछि यो वर्ष शुल्क नबाढउने सहमति भएको थियो । यही घटनालाई जोडेर आईओईले स्नातकको प्रवेश परीक्षा अर्को सूचना जारी नुहन्जेलसम्मका लागि स्थगित गरेको छ ।
-1715588285.jpeg)
