काठमाडौं । नेपाल भ्रमणमा रहेको स्विडेनको सांसदहरूको टोलीले परराष्ट्रमन्त्री एनपी साउदसँग शिष्टाचार भेटवार्ता गरेको छ ।

भेटवार्ता सोमबार सिंहदरबारस्थित परराष्ट्र मन्त्रालयमा भएको हो । 

स्विडेनको सांसदहरूको टोलीमा मारिया स्टकहाउस, अलेक्जान्ड्रा एन्स्ट्रेल र एन–सोफी लिफभेनहेज रहेका थिए । 

भेटवार्तामा नेपाल र स्विडेनबीचको द्विपक्षीय तथा बहुपक्षीय सहयोगका विषयमा छलफल भएको परराष्ट्र मन्त्रालयले जनाएको छ ।