site stats
बाह्रखरी :: Baahrakhari
राजनीति
Global Ime bankGlobal Ime bank
तीनदिने साहित्यिक महोत्सव गर्दै कांग्रेस

काठमाडौं । नेपाली कांग्रेसले ११०औँ बीपीजयन्तीका अवसरमा साहित्यिक महोत्सव आयोजना गर्दै छ । यही भदौ २४, २५ र २६ गते तीन दिनसम्म आयोजना गरिने महोत्सवमा नेपालको राजनीति र साहित्यमा बीपीको महत्त्वबारे जानकारी दिने कांग्रेसको तयारी छ ।

महोत्सवमा मुख्य वक्ताले बीपीको राजनीतिक र साहित्यिक पाटोका बारेमा बोल्ने सोमबार सानेपामा आयोजित पत्रकार सम्मेलनमा कांग्रेस प्रचार विभागका प्रमुख मीन विश्वकर्माले जानकारी दिए ।

महोत्सवमा १२ वटा सत्र राखिनेछ । विश्वकर्माका अनुसार बीपीको मनोविश्लेषणात्मक साहित्य र व्यक्तिसत्ता, साहित्यमा पर्यावरण, समय र सबाल्र्टन, नेपालको मातृभाषा साहित्य, बीपी आख्यानमा नारीलगायत सत्र हुनेछ ।

यस्तै, बीपीका आख्यानमा मधेस, बीपीका दृष्टिमा बीपी, बीपीले नपाएका १५ वर्ष, अन्तर्राष्ट्रिय राजनीति र कूटनीतिमा बीपी, समावेशिता, सामाजिक रूपान्तरण र बीपी, युवा स्रष्टामा बीपी पठन र परिवारले बुझेका बीपी सत्र रहनेछ ।

महोत्सवमा कविता, गजल, सांगीतिक साँझ, चित्रकला, वृत्तचित्र र ऐतिहासिक फोटो प्रदर्शनीको कार्यक्रम रहने विश्वकर्माले बताए ।

गएको साउनमा भएको केन्द्रीय कार्यसमिति बैठकबाट बीपी साहित्यिक महोत्सव गर्ने निर्णय गरिएको थियो । पार्टी केन्द्रीय कार्यालय सानेपामै महोत्सव हुनेछ ।

dafg1693211465.jpg

प्रकाशित मिति: सोमबार, भदौ ११, २०८०  १४:१६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro