काठमाडौं । चितवनको मुग्लिन–नारायणगढ सडकखण्डमा पहिरो खस्दा बाटो अवरुद्ध छ । आज दिउँसो इच्छाकामना गाउँपालिका–६, नाम्सीखोला पुलनजिकै पहिरो खसेको हो ।

पहिरोका कारण अवरुद्ध सडक अबको करिब एक घण्टाभित्र सञ्चालनमा ल्याइने सडक डिभिजन कार्यालय भरतपुरले जनाएको छ । कार्यालयका अनुसार तीन मेसिनको प्रयोग गरी पहिरो पन्छाउने कार्य जारी छ ।

“वर्षाको कारण मुग्लिन–नारायणगढ सडकखण्डको नाम्सी पुलनजिकै पहिरोको कारण अवरुद्ध सडक अबको घण्टाभित्र सञ्चालनमा आउने अनुमान छ,” सो कार्यालयले शनिबार बेलुका ५ बजे जारी गरेको सूचनामा उल्लेख छ ।

यही भदौ ४ गते पनि सोही क्षेत्रमा पहिरो खसेर सडक अवरुद्ध भएको थियो ।