काठमाडौँ । भीजी इम्पेक्स प्रा.लि. र प्रभु बैंक लिमिटेडबीच जीडब्लूएमको इलेक्ट्रिक गाडी ओरा ०३ ईभीको लागि फाइनान्सिङ गर्ने सम्झौता भएको छ ।

उक्त सम्झौतामा भीजी इम्पेक्स–जीडब्लूएम नेपालका भाइस–प्रेसिडेन्ट रुपेश शर्मा भट्ट र प्रभु बैंकका चिफ विजनेस अफिसर रेनुप्रसाद पाण्डेले जीडब्लूएमको इलेक्ट्रिक गाडी ओरा ०३ ईभीलाई ग्राहकहरूका लागि फाइनान्सिङ सुविधा पहुँचयोग्य बनाउने कदमका रूपमा हस्ताक्षर गरेका हुन् ।

ईभी खरिद गर्न चाहने ग्राहकलाई सहज रिटेल फाइनान्सिङ अनुभव प्रदान गर्नेे, प्रतिस्पर्धी ब्याजदर र कर्जा अवधि उपलब्ध गराउने उद्देश्यका साथ यो सहकार्य गरिएको बताइएको छ ।

प्रभु बैंकले १२.०६ प्रतिशत ब्याजदरसहित अटो कर्जा प्रदान गर्ने बताइएको छ । बैंकले आफ्नो निर्णयको आधारमा ब्याजदर समायोजन गर्नसक्ने पनि बताइएको छ ।

अटो लोन फाइनान्सिङको लागि, बैंकले व्यक्ति र फर्म दुवैको लागि कर्जा ८० प्रतिशतसम्म उपलब्ध गराउने जानकारी दिइएको छ ।

साथै यसको नियमित अधिकतम कर्जा अवधि पाँच वर्ष हुने भए पनि विशेष अवस्थामा यो सात वर्षसम्म बढाउन सकिने बताइएको छ ।

०.७५ प्रतिशत प्रशासन शुल्क बैंकद्वारा चार्ज हुने पनि बताइएको छ । ग्राहकले अटो कर्जाका लागि आवश्यक कागजातसहित नजिकैको प्रभु बैंक शाखामा गएर आवेदन दिन सक्नेछन् ।