काठमाडौं । संवैधानिक परिषद्को बैठक सुरु भएको छ ।

प्रधानमन्त्री तथा मन्त्रिपरिषद्को कार्यालयमा संवैधानिक परिषद् बैठक सुरु भएको हो ।

आगामी २० गतेदेखि खाली हुने प्रधानन्यायाधीश सिफारिसका लागि संवैधानिक परिषद्को अध्यक्ष रहेका प्रधानमन्त्री पुष्पकमल दाहाल 'प्रचण्ड'ले आइतबार नै बैठक आह्वान गरेका थिए ।

संविधानको धारा २८४ (३) अनुसार प्रधानन्यायाधीशले अवकाश पाउनु एक महिनाअगावै नयाँ प्रधानन्यायाधीश सिफारिस गरिसक्नुपर्ने थियो । तर, प्रधानमन्त्रीले संवैधानिक परिषद्को बैठक नै नबोलाएपछि हरिकृष्ण कार्की उमेरहदका कारण अवकाश पाउनु तीनदिन अघि मात्र सिफारिसको औपचारिक छलफल सुरु गरिएको हो ।

वर्तमान प्रधानन्यायाधीश हरिकृष्ण कार्की आगामी साउन २९ गतेदेखि अवकाशमा जाँदै छन् ।