काठमाडौं । सांसद राजेन्द्र केसीले सत्यनिरूपण तथा मेलमिलाप आयोगको म्याद एकपटक मात्रै थपेर यसलाई टुंगो लगाउनुपर्ने बताएका छन् ।

कानुन, न्याय तथा मानवअधिकार समितिअन्तर्गतको उपसमिति बैठकमा बोल्दै केसीले भने, “आयोगको अब एकपटक मात्र म्याद थप गरेर यसलाई टुंगो लगाउनुपर्छ ।”

एक वर्षसम्म ढिला हुँदा उक्त आगोयको औचित्य हराउने उनले बताए । उनले भने, “मर्म मर्छ । यो संवेदनशील छ, लामो समयसम्म टुंगो नलाग्दा मर्म मर्छ भन्ने लाग्छ ।”

उनले क्षतिपूर्तिको विषयमा पनि आजको मूल्यांकन गर्ने कि के गर्ने भन्ने पहिले टुंगो लगाउनुपर्ने बताए । उनले पहिलेको मूल्यांकनको आधारमा हिसाबकिताब गर्न नहुने बताए ।