काठमाडौं । टाटा मोटर्सले जुनसुकै ब्रान्डका डिजेल तथा पेट्रोलबाट चल्ने गाडी विद्युतीय गाडी (ईभी) सँग साट्न सकिने अफर ल्याएको छ ।

साउन ८ गते सोमबारदेखि देशभर रहेका टाटा मोटर्स सोरूमहरूमा मनसुन म्याजिक अफर कार्यक्रम सुरु हुने कम्पनीले जनाएको छ ।

प्रदुषणरहित वातावरणमैत्री, चलाउन सजिलो, न्यूनतम मर्मत खर्च, आरामदायी यात्रा र इन्धनको तुलनामा सस्तो विद्युत भएका कारण विश्व बजारझैँ नेपालमा पनि ईभीको प्रयोग बढ्दै गएको छ ।

ग्राहकको यसै आवश्यकतालाई ध्यानमा राख्दै ‘म्याजिक मनसुन’ एक्सचेन्ज क्याम्प सुरु गर्न लागेको कम्पनीले जनाएको छ ।

कार्यक्रममा जुनसुकै ब्रान्डको गाडी टाटा मोटर्सका सर्वाधिक रुचाइएका नेक्सन ईभीसँग साट्न सकिने छ । यस्तै गाडीको न्यूनतम चार लाखसहितको मुल्यांकन, इन्स्योरेन्स र ८० प्रतिशतसम्म फाइनान्सिङ जस्ता सुविधा उपलब्ध हुने टाटा मोटर्सले जनाएको छ ।

यस्तै, गाडीसम्बन्धी दक्ष व्यक्तिद्वारा परामर्श तथा सल्लाह सुझाव, नयाँ गाडीको बुकिंग तथा मूल्यांकन र निःशुल्क गाडीको थप एक्सेसोरिज जस्ता सुविधा रहने कम्पनीको भनाइ छ ।

साउन ८ गतेदेखि एक हप्ता देशभर सिप्रदी तथा सिप्रदीका आधिकारिक टाटा मोटर्स सोरुममा मनसुन म्याजिक विशेष एक्सचेन्ज क्याम्प सञ्चालनमा रहनेछ । इच्छुक ग्राहकले रजिस्टर गरेरसमेत सहभागी हुनसक्ने कम्पनीले जनाएको छ ।