काठमाडौं । रेमिटेन्स कम्पनी आइएमई लिमिटेडले प्राथमिक सेयर (आईपीओ) निष्कासन गर्न नेपाल धितोपत्र बोर्डमा निवेदन दिएको छ । कम्पनीले प्रतिकित्ता १०० रुपैयाँअंकित मूल्यमा १० लाख कित्ता आईपीओ निष्कासन गर्न गएको शुक्रबार बोर्डमा निवेदन दिएको हो ।

उक्त आईपीओको बिक्री प्रबन्धकमा प्रभु क्यापिटल लिमिटेड रहेको छ । आइएमई लिमिटेड आइएमई ग्रुपअन्तर्गतको रेमिट्यान्स कम्पनी हो । यो कम्पनीको अध्यक्ष नेपाल उद्योग वाणिज्य महासंघका अध्यक्ष समेत रहेका चन्द्रप्रसाद ढकाल हुन् ।

कम्पनीले युरोप, अमेरिका, दक्षिण कोरिया, मलेसिया, बराइन, जापान, कुवेत, कतार र यूएईबाट रेमिट्यान्स भित्र्याउन स्थानीय रेमिट्यान्स कम्पनीसँग सझौता गरेर काम गरिरहेको छ । आइएमई नेपालको पहिलो रोमिट्यान्स कम्पनी हो ।