site stats
बाह्रखरी :: Baahrakhari
खेल
Global Ime bankGlobal Ime bank
निर्धारित समयमा गोलरहित बराबरीमा रोकिए नेपाल र बंगलादेश

काठमाडौं । नेपाली राष्ट्रिय महिला टिम र बंगलादेशबीको दोस्रो मैत्रीपूर्ण खेलको निर्धारित समयमा गोलरहित बराबरीमा समाप्त भएको छ ।

आइतबार बंगलादेशको ढाकास्थित वीरश्रेष्ठ सहिद सिपाही मोहम्मद मुस्तफा कमल रंगशालामा सम्पन्न खेलमा दुवै टिमले गोलका केही अवसर बनाए पनि त्यसलाई सदुपयोग गर्न नसक्दा निर्धारित ९० मिनेटमा बराबरीमा रोकिएका हुन् । यी दुई टिमको नतिजा पेनाल्टी सुटआउटबाट हुनेछ ।

नेपाली टिम गत भदौमा सम्पन्न साफ महिला च्याम्पियनसिपको फाइनल खेलदेखि जितविहीन छ । उक्त फाइनलमा पनि नेपाल बंगलादेशसँग ३–१ ले पराजित भएपछि उपविजेतामा सीमित बनेको थियो । उक्त फाइनलयता नेपालले दुई खेलमा हार बेहोर्दा चार खेलमा बराबरीको नतिजा निकालेको छ ।

नेपाली टिम चीनमा हुने १९औँ एसियन गेम्सको तयारीका लागि दुई मैत्रीपूर्ण खेलका लागि बंगलादेश पुगेको हो । यी दुई टिमबीचको पहिलो मैत्रीपूर्ण खेल १–१ को बराबरीमा टुंगिएको थियो । उक्त खेलमा कप्तान सविना खातुनले गोल गर्दै बंगलादेशलाई अग्रता दिलाउँदा इन्जुरी समयमा सावित्रा भण्डारीले नेपालका लागि बराबरी गोल फर्काएकी थिइन् ।

प्रकाशित मिति: आइतबार, असार ३१, २०८०  १९:१५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro