काठमाडौं । नेपाली कांग्रेसका सांसद अर्जुननरसिंह केसीले सार्वजनिक लेखा समितिलाई चर्चित भ्रष्टाचार काण्डका फाइलहरुको सम्बन्धमा विस्तृत विवरण दिन माग गरेका छन् ।

आइतबार सिंहदरबारमा बसेको सार्वजनिक लेखा समितिको बैठकमा बोल्दै समितिका ज्येष्ठ सदस्य सभापति केसीले आगामी बैठक बस्नुअगावै समिति सचिवालयले चर्चित भ्रष्टाचार काण्डका फाइलहरुको सम्बन्धमा विस्तृत विवरण समितिका सदस्यलाई दिनुपर्ने बताए ।

समितिले विगतको समितिले गरेको निर्णयलाई उल्ट्याउने नभएर जानकारीका लागि पनि सो फाइलहरु उपलब्ध गराउनु आवश्यक रहेको उनले बताए । समितिमा आएका अनियमितताका प्रकरणहरु थन्क्याएर राख्नु संसद्को समितिको अपमान हुने बताउँदै उनले संसद्को समितिलाई अपमान गर्ने अधिकार कुनै संस्थालाई नरहेको बताए ।

सांसद केसीले समितिलाई चर्चित भ्रष्टाचार काण्डका फाइलहरुको सम्बन्धमा विस्तृत विवरण दिँदैमा निर्णय नउल्टिने बताए ।