site stats
बाह्रखरी :: Baahrakhari
राजनीति
Global Ime bankGlobal Ime bank
समाजवादी मोर्चाको नीति र आचारसंहिता तय गर्न कार्यदल गठन

काठमाडौं । समाजवादी मोर्चाको नीति र आचारसंहिता तय गर्न कार्यदल गठन गरिएको छ ।

शनिबार नेकपा (एकीकृत समाजवादी)को केन्द्रीय कार्यालयमा बसेको मोर्चामा आबद्ध चार दलका नेताहरूको पहिलो बैठकबाट नीति र आचारसंहिता तय गर्न चार सदस्यीय कार्यदल गठन गरिएको हो ।

कार्यदलमा नेकपा (माओवादी केन्द्र)का महासचिव देव गुरुङ, एकीकृत समाजवादीका उपाध्यक्ष प्रमेश हमाल, जनता समाजवादी पार्टी (जसपा)का नेता राजेन्द्र श्रेष्ठ र नेपाल कम्युनिस्ट पार्टीका प्रवक्ता खड्गबहादुर विश्वकर्मा रहेका एकीकृत समाजवादीका नेता राजेन्द्र पाण्डेले जानकारी दिए ।

कार्यदलले मोर्चाको भावी कार्यक्रमको प्रारूप समेत तयार गर्ने उनले बताए ।

आउँदो साउनमा सातै प्रदेशका राजधानीमा कार्यक्रम गर्ने, त्यसको मितिका विषयमा कार्यदलले टुंगो लगाउने र असार २७ गते घोषणा गरिने उनले जानकारी दिए ।

हरेक ६/६ महिनामा मोर्चाको अध्यक्षता गर्ने व्यक्ति परिवर्तन गर्ने निर्णय पनि बैठकबाट गरिएको छ । अहिले एकीकृत समाजवादीका अध्यक्ष माधवकुमार नेपालले मोर्चाको अध्यक्षता गर्ने निर्णय गरिएको उनले बताए ।

यस्तै, संसद्मा प्रधानमन्त्रीलाई धारणा राख्न रोकेर नेकपा (एमाले)ले गैरसंसदीय व्यवहार देखाएको उनले बताए ।

नेपाली समाजको विशेषताअनुसार कस्तो समाजवाद निर्माण गर्ने भन्नेमा मोर्चा केन्द्रित हुने उनको भनाइ छ ।

प्रकाशित मिति: शनिबार, असार २३, २०८०  १८:३५
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro