कोलकाता । तृणमूल कांग्रेसले तीन कार्यकर्ताको हत्या भएको आरोप लगाउँदै ग्राम पञ्चायत निर्वाचनमा सुरक्षा व्यवस्था गर्न नसकेकामा सरकारको आलोचना गरेको छ । विपक्षी दलले आफ्ना कार्यकर्ता मारेको तृणमूलको आरोप छ ।

शनिबार बिहान मतदान सुरु भएपछि पश्चिम बंगालमा हिंसाका धेरै घटना भएका र हिंसात्मक गतिविधि हुन नदिन राज्य सरकारले विश्वसनीय तयारी नगरेको भन्दै उक्त दलले रोष प्रकट गरेको छ ।

“हाम्रो पार्टीका तीन कार्यकर्ताको रेजीनगर, तुफानगञ्ज र खारग्राममा हत्या गरिएको छ र दुईजना डोमकोलमा बन्दुकको गोलीबाट घाइते भएका छन्,” लामो ट्विटर पोस्टमा टीएमसीका एक नेताले भनेका छन् ।

शुक्रबार राज्यका परगना, वीरभूम, दक्षिण दिनाजपुर र मुर्शिदाबादमा भएका झडपमा चार राजनीतिक दलका कार्यकर्ताले ज्यान गुमाएका थिए ।

यसैबीच, एएफपीका अनुसार चुनावी पश्चिम बंगालको चुनावी अभियानका क्रममा शनिबार भएका राजनीतिक झडमा सातजनाले ज्यान गुमाएका छन् । दर्जनौँ व्यक्ति घाइते भएका छन् । झडपमा सत्तारूढ दल तृणमूल पार्टीका पाँचजना मारिएका प्रहरीले जनाएको छ ।

राज्यभरका विभिन्न गाउँहरूमा मतदानसम्बन्धी हिंसामा सातजनाको मृत्यु भएको र दर्जनौँ घाइते भएका पश्चिम बंगालको प्रहरी बलका अतिरिक्त महानिर्देशक जावेद शमीमले पुष्टि गरेका छन् ।

भारतीय जनता पार्टी (बीजेपी)ले हालैका वर्षहरूमा पश्चिम बंगालमा आफ्नो कब्जा जमाउन कडा परिश्रम गरेको छ । १० करोड ४० लाख जनसंख्या भएको उक्त राज्यमा ग्राम पञ्चायत चुनावमा दुई लाख उमेदवार चुनावी प्रतिस्पर्धामा छन् । रासस/एएनआई