काठमाडौं । सभामुख देवराज घिमिरेले शनिबार (भोलि)सम्म सहमति जुटाउन दलहरूसँग आग्रह गरेका छन् । प्रतिपक्षी नेकपा एमालेले संसद् बैठक अवरुद्ध गरेपछि सहमति खोज्न बसेको कार्यव्यवस्था परामर्श समितिको बैठकमा सभामुख घिमिरेले भोलिसम्म सहमति खोज्न आग्रह गरेका हुन् । 

“सत्तापक्ष र प्रमुख विपक्षीबीच घनिभूत छलफल गरेर भोलिसम्ममा सहमति गर्नुहोला । संसद् अवरुद्ध हुँदा विधेयक (खासगरी मिटरब्याज सम्बन्धी) निष्क्रिय हुनु राम्रो होइन,” उनले भने, “तपाईंहरू एउटा निष्कर्षमा पुग्नैपर्छ । त्यसका लागि सहजिकरण गर्न म तयार छु ।” 

सत्ता र प्रतिपक्षबीच कुरा मिलेन, संसद् बैठक आइतबारसम्म स्थगित