काठमाडौं । सिन्धुपाल्चोक, दोलखा, सोलुखुम्बुलगायत स्थानमा भारी वर्षा भएको छ । 

सिन्धुपाल्चोकको नाकोटे, गुम्थाङ, दोलखाको रिखु, लामाबगर, सिंगटी, जिरी तथा सोलुखुम्बुको सिरूवा र आसपासका धेरै स्थानमा मध्यमदेखि भारी वर्षा भएको छ । 

उक्त जिल्ला भई बहने स–साना नदीमा आकस्मिक बाढी आउनसक्ने साथै कमजोर भिरालो जमिनमा पहिरोको जोखिम हुने भएकाले बिहानसम्म सतर्कता अपनाउन मौसम पूर्वानुमान महाशाखाले जनाएको छ ।