site stats
बाह्रखरी :: Baahrakhari
खेल
Global Ime bankGlobal Ime bank
बुढाले जितिन् हाफ म्याराथनको उपाधि

काठमाडौं । प्रथम महिला हाफ म्याराथन प्रतियोगिताको उपाधि नेपाल पुलिस क्लबकी राममाया बुढाले जितेकी छन् ।

सशस्त्र प्रहरी परिवार महिला संघको २२औँ वार्षिकोत्सवका अवसरमा शनिबार काठमाडौंमा आयोजित दौडको २१ किलोमिटर दूरी उनले एक घण्टा २६ मिनेट नौ सेकेन्डमा पूरा गरिन् ।

एपीएफ क्लबकी बिन्दाधन्के श्रेष्ठ एक घण्टा २७ मिनेट २७ सेकेन्डमा दौड पूरा गरेर दोस्रो भइन् । तेस्रो भएकी त्रिभुवन आर्मी क्लबकी पूर्ण राज्यलक्ष्मी न्यौपानेले एक घण्टा २७ मिनेट ५० सेकेन्डमा दौड पूरा गरिन् ।

विजेता बुढाले एक लाख रुपैयाँ पुरस्कार पाइन् । उपविजेता बिन्दाधन्केले ७५ हजार र पूर्ण राज्यलक्ष्मीले ५० हजार रुपैयाँ प्राप्त गरिन् ।

एक घण्टा ३२ मिनेट १८ सेकेन्डमा दौड पूरा गर्दै एपीएफ क्लबकी आशा राउत चौथो र एक घण्टा ३२ मिनेट २८ सेकेन्डमा दौड पूरा गरेकी पुलिस क्लबकी सुमित्रा चौधरी पाँचौँ भइन् । उनीहरूले क्रमशः २५ र १५ हजार रुपैयाँ जिते ।

प्रकाशित मिति: शनिबार, असार १६, २०८०  १९:०५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro