काठमाडौं । प्रमुख प्रतिपक्षी दल नेकपा (एमाले) र राष्ट्रिय स्वतन्त्र पार्टी (रास्वपा)को अवरोधका कारण १५ मिनेटका लागि स्थगित भएको संसद् बैठ सुरु भएको छ । 

उनीहरूले जिल्ला निर्वाचन कार्यालय खारेज गर्ने बजेटको व्यवस्था संशोधन माग गर्दै बैठक अवरुद्ध गरेका थिए । बैठक सवा २ बजेतिर १५ मिनेटका लागि स्थगित भएको थियो । तर, बैठक झन्ड‌ै डेढ घण्टापछि सुरु भएको हो । 

सभामुखको रोहवरमा भएको सत्तापक्ष प्रतिपक्षबीचको सहमति अनुसार अर्थमन्त्रीले संसद्लाई सम्बोधन गर्ने र थप स्पष्टीकरण दिएका छन् ।

एमालेले मागेको संशोधन प्राविधिक मात्र भएकाले यसमा राजनीति नगर्न कांग्रेसका प्रमुखसचेतक रमेश लेखकले आग्रह गरेका थिए । उनले निष्पक्ष निर्वाचन सबैको प्रतिबद्धता भएको भन्दै अर्थमन्त्रीले थप स्पष्टीकरण दिएर कार्यसूची अनुसार अघि बढ्न प्रस्ताव राखेका थिए ।