जनकपुरधाम । जनकपुरधाम उपमहानगरपालिका–९ थापाचोककी २२ वर्षीया आरती साह मृत्यु प्रकरणमा आरतीका श्रीमान् मोतिलाल साह र ससुरा मदन साहलाई पूर्पक्षका ज‍ेल चलान भएका छन् ।

तीन दिनको बहसपछि मंगलबार जिल्ला अदालत धनुषाका न्यायाधीश रामप्रसाद न्यौपानेको इजलासले आरोपितलाई पूर्पक्षका लागि थुनामा पठाउन आदेश दिएको हो । 

मृतक आरतीको बुबा विनोदप्रसाद साहले दिएको कर्तव्य ज्यानसम्बन्धी मुद्दामा सरकारी वकिल कार्यालयको तर्फबाट सुदीप दंगाल, जाहेरवालाको वकिल वरिष्ठ अधिवक्ता चन्द्र शर्मा मैनाली, अधिवक्ता इन्द्रप्रसाद अर्याल, रिङ्कु कुमारी यादव र राधा कुमारीले बहस गरेका थिए । 

प्रतिवादीको तर्फबाट वरिष्ठ अधिवक्ता विनोद कुमार शर्मा, सुदीप कोइराला, दीपकबहादुर केसी र मदन पाण्डेले बहस गरेका थिए ।

गत जेठ ७ गते आरतीको शव भेटिएको थियो । आरतीको माइती पक्षले सुनियोजित रूपमा आरतीको हत्या गरिएको आरोप लगाएको छ । तर, श्रीमान् पक्षले विवाद भएपछि आरतीले आत्महत्या गरेको दाबी गरिरहेका छन् ।

असार १ गते झन्डै एक महिनापछि अदालतमा मुद्दा दर्ता भएको थियो । आरतीको परिवारले न्यायको माग गर्दै काठमाडौंमा प्रर्दशन गर्दै आएको छ ।

मंगलबार (आज) पनि अदालतभित्र बसह चलिरहँदा माइती पक्षले अदालत अगाडि प्रर्दशन गरिरहेको तियो ।

आरतीको विवाह दुई वर्ष अगाडि मोतीबाबुसँग भएको थियो ।