काठमाडौं । प्रस्तावित प्रधानन्यायाधीश हरिकृष्ण कार्कीले आफूहरू सर्वोच्च अदालतमा आएपछि दुई वर्ष पुराना ५ हजार ९५८ वटा मुद्दा फैसला गरेको बताएका छन् । पाँच वर्ष नाघेका दुई हजार ७७६ मुद्दा फैसला भएको पनि उनले जानकारी दिएका छन् ।  
 
संसदीय सुनुवाइ समितिको जारी बैठकमा कार्कीले हप्तामा एक पटक ओपचारिक फुलकोट बस्ने तर आफूहरू प्रत्येक दिन अनौपचारिक फुलकोट बस्ने गरेको बताए ।  

प्रतिन्यायाधीश एक हजार २९७ मुद्दा फैसला भएको उनको भनाइ छ । कार्कीलाई सुनुवाइका लागि समितिले बोलाएपछि आज उनी समिति बैठकमा पुगेका छन् ।