काठमाडौं । रुपन्देहीको बुटवल उपमहानगरपालिका–५, पुरानो बसपार्कमा बसको ठक्करबाट एकजनाको मृत्यु भएको छ । दाङको घोराही उपमहानगरपालिका–१५ का ४५ वर्षीय युवराज चौधरीको मृत्यु भएको हो ।

बसको ठक्करबाट गम्भीर घाइते भएका उनको उपचारका क्रममा बुटवलस्थित लुम्बिनी प्रादेशिक अस्पतालमा मृत्यु भएको प्रहरीले जनाएको छ ।

सोमबार बिहान करिब ९ बजे बसपार्कबाट सडकमा निस्कँदै गरेको लु१ख ९११३ नम्बरको बसले पैदल हिँडिरहेका चौधरीलाई ठक्कर दिएको थियो । बससहित चालकलाई इलाका प्रहरी कार्यालय बुटवलले नियन्त्रणमा लिएको छ ।