काठमाडौं । डोटी र अछाममा गेटा आँखा अस्पतालको निःशुल्क आँखा शिविरमार्फत्  १८८ जनाको आँखाको ज्योति फर्काइएको छ ।

नेपाल नेत्रज्योति संघ, गेटा आँखा अस्पताल र स्थानीय तहहरुको संयुक्त आयोजनामा डोटी र अछाममा सञ्चालन गरिएको आँखा शिविरमा १८८ जनाको मोतीविन्दुको शल्यक्रिया गरिएको हो ।

डोटीका सायल, बोगटान फुटसिल तथा अछामको मेल्लेख गाँउपालिकामा जेठ १५ देखि २२ गते सम्पन्न शिविरमा एक हजार १४१ जनाको आँखा परीक्षण गरिएको संघले जनाएको छ ।