काठमाडौं । महोत्तरीको  जलेश्‍वर नगरपालिका–२, जिरोमाईलमा आज कारको ठक्करबाट पैदलयात्री महिलाको मृत्यु भएको छ ।

अन्दाजी ६३ वर्षीया महिलाको मृत्यु भएको हो । गम्भीर घाइते भएकी उनको उपचारको क्रममा प्रादेशिक अस्पताल जलेश्वरमा मृत्यु भएको प्रहरीले जानकारी दिएको छ ।

मृतकको सनाखत हुन भने बाँकी रहेको छ । जलेश्‍वरबाट जनकपुरतर्फ जाँदै गरेको भारतीय नम्बरको कारले आज दिउँसो १ बजे पैदल हिडिँरहेकी महिलालाई ठक्कर दिएको हो ।

कारसहित चालक नियन्त्रणमा रहेको जिल्ला प्रहरी कार्यालय महोत्तरीले जनाएको छ ।