काठमाडौं ।  सोमाली सेना र अल–शबाबबीचको भिडन्तमा कम्तीमा १७ जनाको मृत्यु भएको प्रत्यक्षदर्शीले बताएका छन् ।

अल–शबाब समूहका लडाकुहरूले मध्य सोमालियाको एउटा सहरको बाहिरी भागमा रहेको सैन्य आधारमा आक्रमण गरेका छन् । जसमा कम्तीमा १७ जनाको मृत्यु भएको, एक निवासीले रोयटर्स समाचार एजेन्सीलाई बताए।

शुक्रबारको आक्रमण मोगादिसुबाट करिब ३०० किलोमिटर उत्तरमा रहेको मासागावामा भएको थियो। “मैले आक्रमणकारी र आक्रमणमा परेकाहरूसहित १७ जनाको मृत्यु भएको देखेको छु। लडाइँ जंगलमा सरेको छ । सहर अहिले शान्त छ र सरकारी नियन्त्रणमा छ,” मासागावाका बासिन्दा हुसेन नुरले रोयटर्सलाई फोनमा भने।

मासागावाका सैन्य अधिकारी क्याप्टेन अब्दुल्लाही मोहम्मदले आक्रमणको पुष्टि गर्दै १२ अल–शबाब लडाकुको मृत्यु भएको बताए, तर कति सैनिक मारिए भन्ने थाहा नभएको बताए।

“सहरको छेउमा घण्टौंसम्म भीषण लडाइँ चल्यो। अहिलेसम्म, मलाई थाहा छ कि हामीले सैनिकहरू गुमायौँ तर मसँग कुनै  तथ्यांक छैन। हामीले अल–शबाबलाई भत्कायौं र अब हामी तिनीहरूलाई जंगलमा पछ्याउँदैछौँ," मोहम्मदले भने। अल्जजिरा