काठमाडौं । युवा उद्यमी मञ्चले सोमबार प्रतिनिधिसभामा प्रस्तुत बजेटलाई युवामैत्री बजेट भन्दै स्वागत गरेको छ ।

मञ्चका अध्यक्ष चिराग गोयलले युवा उद्यमशीलता प्रवर्द्धन वर्ष घोषणा, सहुलियतपूर्ण कर्जा दिने, व्यवसाय सञ्चालनमा आकर्षण गर्न सीप, पुँजी र प्रविधिमा पहुँच वृद्धि गरिने घोषणा गरेर सरकारले युवामैत्री बजेट ल्याएको बताएका छन् ।

“सरकारले सूचना प्रविधि उद्योगमा वैदेशिक लगानीको न्यूनतम सीमा हटाएको छ,” उनले भने, “यो स्वागतयोग्य कुरा हो । यसले लगानीको वातावरण सिर्जना गर्छ । त्यस्तै कम्पनी दर्ता गर्दा शुल्क नलाग्ने र एक सय अधिकृत पुँजीमै खोल्न सकिने व्यवस्था राम्रा छन् ।”