काठमाडौं । आर्थिक वर्ष २०८०/०८१ को राजस्व र व्ययको वार्षिक अनुमान (बजेट) संसद्मा टेबल भएको छ । सोमबार बसेको प्रतिनिधिसभा बैठकमा अर्थमन्त्री प्रकाशशरण महतले बजेट टेबल गरेका हुन् । 

यसअघि आजै अर्थमन्त्री महतले आगामी आर्थीक वर्षको बजेट प्रस्तुत गरे । 

संघीय संसद्को दुवै सदनको संयुक्त बैठकमा उनले १७ खर्ब ५१ अर्ब ३१ करोडको बजेट प्रस्तुत गरेका थिए । 

बजेट प्रतिनिधिसभामा टेबल भएसँगै मंगलबारदेखि विनियोजन विधेयकमाथि सैद्धान्तिक छलफल हुने छ । जेठ २१, २२, २३ र २४ गते छलफल हुने छ । अर्थमन्त्री महतले जेठ २५ गते बजेटमा उठेका प्रश्नको जवाफ दिने छन् । 

सोमबारकै बैठकमा अर्थमन्त्री महतले बजेट कार्यान्वयनका लागि आर्थिक विधेयक, २०८० पनि पेस गरेका छन् ।