काठमाडौं । सरकारले नेपाल नागरिक उड्डयन प्राधिकरणलाई टुक्राउने भएको छ ।

सोमबार अर्थमन्त्री प्रकाशशरण महतले बजेट पेस गर्दै नेपाल नागरिक उड्डयन प्राधिकरणको पुनर्संरचना गरेर नियामक र सेवा प्रदायक निकाय अलग अलग गरिने जानकारी दिए ।

अहिले सेवा प्रदायक र नियामक निकायको काम प्राधिकरण आफैँले गर्दै आएको छ । 

उडान सुरक्षालाई उच्च प्राथमिकतामा राखी गुणस्तरीय पूर्वाधार विकास तथा सेवा प्रवाहमा सुधार गर्नुका साथै नियामकीय भूमिकालाई सवल बनाइने अर्थमन्त्री महतको भनाइ छ ।