site stats
बाह्रखरी :: Baahrakhari
विदेश
Nabil BankNabil Bank
Sarbottam CementSarbottam Cement
नयाँ संसद् भवनको उद्घाटनसँगै ७५ रुपैयाँको सिक्का जारी गर्दै भारत
Ghorahi CementGhorahi Cement

काठमाडौं । भारतले नयाँ संसद् भवन उद्घाटनको अवसरमा ७५ रुपैयाँको सिक्का सार्वजनिक गर्ने भएको छ ।

आइतबार मे २८ मा भारतीय प्रधानमन्त्री नरेन्द्र मोदीले नयाँ संसद् भवनको उद्घाटन गर्ने कार्यक्रम रहेको छ ।

भारतको अर्थ मन्त्रालयले बिहीबार नयाँ संसद् भवनको उद्घाटनको सम्झनामा ७५ रुपैयाँको सिक्का जारी गरिने घोषणा गरेको हो ।

Agni Group

उक्त सिक्कामा 'संसद् परिसर' लेखिएको छ र यो नयाँ संसद् भवनको तस्बिर पनि रहेको बताइएको छ ।

मन्त्रालयले जारी गरेको सूचनाअनुसार उक्त सिक्का गोलाकार आकारको हुनेछ । यसको व्यास ४४ मिलिमिटर हुनेछ। सिक्कामा ५० प्रतिशत चाँदी, ४० प्रतिशत तामा, पाँच प्रतिशत निकेल र पाँच प्रतिशत जस्ता मिश्रित धातु हुनेछ ।

Global Ime bank

सिक्काको पछाडिपट्टिको मध्यभागमा अशोक स्तम्भको सिंहको क्यापिटलमा सत्यमेव जयते लेखिएको छ। सिक्काको बायाँ परिधिमा देवनागरी लिपिमा भारत र अंग्रेजीमा इन्डिया लेखिएको हुनेछ ।

नयाँ संसद् भवनको उद्घाटन समारोहमा करिब २५ राजनीतिक दलको सहभागिता रहने अनुमान गरिएको छ, भने कम्तीमा २० विपक्षी दलले उक्त कार्यक्रम बहिस्कार गर्ने बताइएको छ ।

भारतको नयाँ संसद् भवनमा लोकसभाका ८८८ र राज्यसभाका ३८४ सदस्यका लागि ठाउँ हुनेछ।

नयाँ भवन ६४ हजार ५०० वर्गमिटर क्षेत्रफलमा फैलिएको छ । नयाँ संसद् निर्माणको टेण्डर टाटा समूहले जितेको थियो । सेन्ट्रल भिस्टाको आधिकारिक वेबसाइटका अनुसार परियोजनाको प्रारम्भिक लागत ८६२ करोड भारतीय रुपैयाँ थियो।

२०२१ मा लोकसभामा भारत सरकारले दिएको जवाफमा यो परियोजनाको अनुमानित लागत ९७१ करोड रुपैयाँ पुगेको थियो ।

NIBLNIBL
प्रकाशित मिति: शुक्रबार, जेठ १२, २०८०  १७:२०
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC