लन्डनमा हुने अमेरिकासँगको वार्तामा चीनले उपप्रधानमन्त्री हे लिफेङलाई पठाउने

विदेश

लन्डनमा हुने अमेरिकासँगको वार्तामा चीनले उपप्रधानमन्त्री हे लिफेङलाई पठाउने

आइतबार, जेठ २५, २०८२

लन्डनमा हुने अमेरिकासँगको वार्तामा चीनले उपप्रधानमन्त्री हे लिफेङलाई पठाउने

काठमाडौं । अमेरिकासँग हुन लागेको व्यापार वार्तामा चीनबाट उपप्रधानमन्त्री हे लिफेङ सहभागी हुने भएका छन् । दुई देशबीच जुन ८ देखि जुन १३ सम्म बेलायतको लन्डनमा वार्ता हुने तय भएको छ ।

चीनको विदेश मन्त्रालयले बेलायत भ्रमणका क्रममा उपप्रधानमन्त्री हे लिफेङ चीन–अमेरिका आर्थिक र व्यापारिक परामर्शतन्त्रको पहिलो बैठकमा सहभागी हुने जनाएको छ।

हे लिफेङले मे महिनामा स्विजरल्यान्डको जेनेभामा भएको पहिलो चरणको व्यापार वार्तामा चीनको प्रतिनिधित्व गरेका थिए ।

अमेरिकी राष्ट्रपति डोनाल्ड ट्रम्पले शुक्रबार वार्तामा अमेरिकी अर्थमन्त्री स्कट बेसेन्ट, वाणिज्यमन्त्री हाबर्ड लटनिक र व्यापार प्रतिनिधि जेमिसन ग्रियरले वार्तामा वासिङटनको प्रतिनिधित्व गर्ने बताएका थिए ।

रोयटर्सबाट ।