काठमाडौं । नेकपा (एमाले) ले संसद् अवरोध गरेपछि २० मिनेटका लागि स्थगित भएको प्रतिनिधिसभा बैठक अझै सुरु हुन सकेको छैन ।

जेठ १० गते बसेको प्रतिनिधिसभा बैठकमा नेकपा माओवादीका सांसद् लेखनाथ दाहालको अभिव्यक्तिप्रति आपत्ति प्रकट गर्दै एमालेले संसद् अवरोध गरेको हो ।

तत्कालीन ओली सरकारको बेलामा पशुपति नाथको मन्दिरमा सुनको भनेर पित्तलको जलहरी लगाएर भ्रष्टाचार गरेको दाहालको आरोप थियो । सोही विषयमा एमालेले आपत्ति जनाएर बैठक अवरोध गरेको हो ।

दाहालले भ्रष्टाचारका विषयमा बैठकमा के भनेका थिए ?

गएको तीन वर्षमा सरकारमा जाँदा सात खर्ब ऋण थियो भने सरकारका छोड्दा १७ खर्ब ऋण कसरी पुग्यो ? सरकारले भ्रष्टाचार नियन्त्रण गर्न सक्दैन भन्नुभयो उहाँले । भ्रष्टाचार नियन्त्रण गर्न सक्दैन भन्दै गर्दा कति भ्रष्टाचारका काण्ड आए ?

यति, ओम्नी, बाइडबडी, स्वस्थ्य सामाग्रीको दुई अर्बको भ्रष्टाचार त्यतिमात्रै होइन पशुपति नाथको जलहरी लगाउँदा पनि सुन लाउने भनेर पित्तल लगाइदेर चाहीँ गरेका भ्रष्टाचाहरु  हजारौं, सयौं यस्ता भ्रष्टाचारको काण्ड छन् । आफू सरकारमा हुँदा जे गर्न सकिएन । त्यो अहिलको सरकारले गदै छ ।