काठमाडौं । प्रधानमन्त्री पुष्पकमल दाहाल ‘प्रचण्ड’ र सभामुख देवराज घिमिरेबीच भेटवार्ता भएको छ । मंगलबार प्रधानमन्त्रीको सरकारी निवास बालुवाटारमा भएको भेटमा सदनको काम–कारबाहीलाई प्रभावकारी बनाउने विषयमा छलफल भएको थियो ।

भेटमा प्रधानमन्त्री प्रचण्डले यही जेठ ५ गते संघीय संसद्को संयुक्त बैठकमा सरकारका तर्फबाट नीति तथा कार्यक्रम पेस गर्ने तयारी भएको जानकारी गराएका थिए ।

• सरकारको नीति–कार्यक्रम ५ गते : राष्ट्रपतिले वाचन सुरु गर्ने, प्रधानमन्त्रीले सकाउने तयारी

प्रधानमन्त्रीले आजदेखि समितिको बैठक बसेकामा खुसी व्यक्त गरेका थिए ।

सो क्रममा उनले सदनमा पेस भएका विधेयकलाई प्रक्रियागत रूपमा अगाडि बढाउन सभामुखले भूमिका निर्वाह गर्ने अपेक्षा गरिएको बताएको प्रधानमन्त्री प्रचण्डको सचिवालयले जनाएको छ । रासस