सर्लाही–४ बाट स्वतन्त्र लडेर निर्वाचित भएका सांसद अमरेशकुमार सिंह अहिले संसद्मा भ्रष्टाचारविरुद्ध कडा आवाज बनिरहेका छन् । नेपाली कांग्रेसबाट ०७० र ०७४ सालमा निर्वाचित सिंहलाई यसपटक कांग्रेसले उमेदवार नै बनाएन । तर, उनले आफूलाई विश्वास गरे, स्वतन्त्र उमेदवारी दिए । निर्वाचित भएर आए ।

अहिले उनले कांग्रेसको नेतृत्वसँगै जोडेर भ्रष्टाचारको विषय उठाइरहेका छन् । बूढानीलकण्ठमा ७५ करोडको जग्गामा २७ करोडको घर बनिरहेको भन्दै संकेत गरेका सिंहले उनकै शब्दमा गणतन्त्रका ‘पम्फादेवी’को नाम भने सडकबाट घोषणा हुने बताएका छन् । भ्रष्टाचारविरुद्ध केही महिनाभित्रै आउने विद्रोहले सडकबाटै घोषणा गर्ने उनको भनाइ छ ।

'पम्फादेवी'हरूका कारण व्यवस्था नै जोखिममा परेको भन्दै भ्रष्टाचारविरुद्ध हुने अबको आन्दोलनले व्यवस्था नै संकटमा पर्ने दाबी गर्छन् । 

भ्रष्टाचारका कारण नेता र मन्त्रीहरू जनताबाट असुरक्षित रहेको भन्दै उनले भ्रष्टाचारविरुद्धको आन्दोलनपछि नेताहरू देश छोडेर भाग्ने अनि सबै क्षेत्र तहसनहस हुने दाबी गरे ।

प्रस्तुत छ, उनै अमरेशसँग बाह्रखरीका लागि रमेश वाग्लेले गरेको भिडियो वार्ता :