काठमाडौं । शुक्रराज ट्रपिकल तथा सरुवा रोग अस्पतालमा २१ बेड आईसीयू सेवा बन्द भएपछि स्वास्थ्य तथा जनसंख्या मन्त्रालयले अस्पतालका पदाधिकारीलाई छलफलमा बोलाएको छ । छलफलका लागि मन्त्रालयमा अहिले साढे १ बजे बोलाएको अस्पतालका सूचना अधिकारी नवराज गौतमले बताए । 

अस्पतालमा साउन १ गतेदेखि ६८ जना करारका कर्मचारी कटौती गरिएसँगै पुरानो २४ वटा आईसीयू बेडमध्ये २१ बेड र रोविजविरुद्धको इमुनोग्लोबुलिन खोप सेवा रोकिएको छ  । सूचना अधिकारी गौतमका अनुसार ७४ जनाको कोभिड दरबन्दीमा ६८ जना कार्यरत थिए, ती कर्मचारी आईसीयू, पीसीआर परीक्षणमा खटाइएको थियो ।

असार ३१ गते स्वास्थ्य तथा जनसंख्या मन्त्रालयले वीर अस्पतालबाहेक अन्य स्वास्थ्य संस्थामा करारमा रहेका कर्मचारी हटाउने निर्णय गरेको थियो ।