मस्को । रुसी विदेश मन्त्री सर्गेई लाभ्रोभले इजिप्ट भ्रमण क्रममा अरब लिगलाई सम्बोधन गर्ने भएका छन् । इजिप्टको राजधानी कायरोमा अरब लिगको प्रधान कार्यालय रहेको छ ।
रुसी फौजले युक्रेनमाथि आक्रमण गरेपछि रुससँग अन्तर्राष्ट्रिय जगत आक्रोशित भइरहेकाले लाभ्रोभ मस्कोका लागि अरब लिगको समर्थन प्राप्त गर्न चाहन्छन् । उनले इजिप्टमा आफ्ना समकक्षी सामेह सोक्रिसँग भेटवार्ता गरेका छन् । रुसबाट गहुँ र हातहतियार प्राप्त गर्दै आएको इजिप्टको रुससँग महत्वपूर्ण सम्बन्ध रहँदै आएको छ ।
युक्रेनी युद्ध सुरु हुनु अघिसम्म पनि इजिप्टमा ठूलो संख्यामा रुसी पर्यटक पुग्ने गर्दथे । अफ्रिकाका इथियोपिया, युगान्डा र कँगो–ब्राव्ज्जाभिल्लेको संक्षिप्त भ्रमण सम्मुख उनी इजिप्ट पुगेका हुन् ।
स्थानीय अखरबारहरूले प्रकाशित गरेको एउटा लेखमा लाभ्रोभले भनेका छन्, “अफ्रिकीहरूलाई स्वतन्त्रताका लागि औपनिवेश विरुद्धको तिनीहरूको संघर्षमा रुसले सधैँ इमानदारितापूर्वक सहयोग गरेको थियो । युक्रेनको विषयमा अफ्रिकाले लिएको सन्तुलित अडानको रुस प्रशंसा गर्दछ ।"
अफ्रिकी विकास बैंकले अफ्रिकाले आफूलाई आवश्यक गहुँको ४० प्रतिशत भन्दा बढी परिमाण रुस र युक्रेनबाट पाउने गरेको जनाएको छ ।
बीबीसीबाट ।
