काठमाडौं । पछिल्लो चौबिस घण्टामा काठमाडौं उपत्यकामा २१६ जना कोभिड १९ संक्रमित थपिएका छन् । काठमाडौंमा १६९ भक्तपुरमा १२ र ललितपुरमा ३५ जना संक्रमित थपिएका हुन् ।

योसँगै उपत्यकामा सक्रिय संक्रमितको संख्या दुई हजार १६५ पुगेको छ । आज ३६ जिल्लमा कोभिड १९ संक्रमित देखिएका छन् ।

आज देशभर रहेका तीन हजार १७७ जना सक्रिय संक्रमितमध्ये तीन हजार ३५ जना होम आइसोलेसनमा र १४२ जना संस्थागत आइसोलेसन छन् ।

अस्पतालमा रहेकामध्ये २२ जना आईसीयूमा र दुई जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।