काठमाडौं । कैलालीको गोदावरी नगरपालिका–१ मा चौपायालाई ठक्कर दिएर मोटरसाइकल पल्टिँदा दुईजना घाइते भएका छन् ।

घाइते भएका मोटरसाइकल चालक धनगढी उपमहानगरपालिका–१० का २९ वर्षीय मोहनराज अवस्थी र पछाडि सवार २२ वर्षीय रामचन्द्र अवस्थीको अत्तरियास्थित पद्मा अस्पतालमा उपचार भइरहेको छ । घाइतेमध्ये चालकको अवस्था गम्भीर रहेको जनाइएको छ ।

गए राति करिब पौने १२ बजे धनगढीबाट अत्तरियातर्फ जाँदै गरेको सुदूरपश्चिम प्रदेश ०१–०११ प ४००१ नम्बरको मोटरसाइकल सडकमा हिँडिरहेको गोरुलाई ठक्कर दिएर पल्टिएको इलाका प्रहरी कार्यालय मालाखेतीले जनाएको छ ।