काठमाडौं । गोरखामा सवारी दुर्घटनामा एकजनाको मृत्यु भएको छ । अजिरकोट गाउँपालिका ३ मा आज मोटरसाइकल र बलेरो जिप आपसमा ठोक्किँदा एक युवतीको मृत्यु भएको हो । एकजना घाइते भएका छन् । 

मृत्यु हुनेमा मोटरसाइकलमा पछाडी सवार अजिरकोट गाउँपालिका २ बस्ने २३ वर्षीया मेलिना गुरुङ छिन् । उनको उपचारको क्रममा स्वास्थ्य चौकी भच्चेकमा मृत्यु भएको प्रहरीले जनाएको छ । 

घाइते भएका मोटरसाइकल चालक ३५ वर्षीय मनराज गुरुङको उपचार भइरहेको छ । भच्चेकबाट चितवनतर्फ जाँदै गरेको बागमती प्रदेश ०३ ००३ प ४८१५ नम्बरको मोटरसाइकल र विपरित दिशाबाट जाँदै गरेको ग १ ज ४८८६ नम्बरको बलेरो जिप आज बिहान पौन ८ बजे आपसमा ठक्कर खाएका हुन् ।