काठमाडौं । सर्वाेच्च अदालतले बाजुराको बुढीगंगा नगरपालिकामा पुनः मतदान रोक्न माग गरेर परेको मुद्दामा अन्तरिम आदेश जारी गर्न अस्वीकार गरेको छ ।

मंगलबार कायममुकायम प्रधानन्यायाधीश दीपककुमार कार्की र न्यायाधीश सुष्मालता माथेमाको संयुक्त इजलासले यसअघिकै मतदानलाई आधिकारिकता दिन माग गरिएको रिटमा अन्तरिम आदेश दिन अस्वीकार गरेको हो । 

वैशाख ३० मा भएको निर्वाचनमा धाँधली भएको देखिएपछि निर्वाचन आयोगले बुढीगंगामा असार २३ गते पुनः मतदान गर्ने निर्णय गरेको छ । सोही निर्णयविरुद्ध सर्वोच्चमा मुद्दा परेको थियो ।

सर्वोच्च अदालतको आदेशसँग अब असार २३ गते निर्वाचन गर्ने बाटो खुलेको छ ।