काठमाडौं । काठमाडौंको मीनभवनअगाडि सडकमा मोटरसाइकलको ठक्करबाट पैदलयात्रीको मृत्यु भएको छ । काठमाडौंकै सुविधानगर बस्ने रामेछापका ६३ वर्षीय जीवनाथ गौतमको मृत्यु भएको हो ।

ठक्करबाट गम्भीर घाइते भएका उनको उपचारका क्रममा मीनभवनस्थित सिभिल अस्पतालमा मृत्यु भएको जनाइएको छ ।

जेब्राक्रसिङबाट बाटो पार गर्दै गरेका गौतमलाई वाग्मती प्रदेश ०२ ०३१ प ७५६२ नम्बरको मोटरसाइकलले हिजो साँझ करिब साढे ६ बजे ठक्कर दिएको थियो । मोटरसाइकलसहित चालक प्रहरी वृत्त नयाँ बानेश्वरको नियन्त्रणमा छन् ।