काठमाडौं । नेपाली राष्ट्रिय क्रिकेट टोलीले अहिले पपुवा न्युगिनी (पीएनजी) पहिलो एकदिवसीय अन्तराष्ट्रिय क्रिकेटमा प्रतिस्पर्धा गरिरहेको छ ।

ओमानको अल अमिरात क्रिकेट मैदानमा पीएनजीले दिएको १३५ रनको लक्ष्य पछ्याएको नेपालले १७औँ ओभरको आफ्नो तेस्रो विकेट गुमाएको छ । नेपालका लागि कप्तान ज्ञानेन्द्र मल्ल १७ ओभरको अन्तिम बलमा ६ रन बनाएर आउट भए । उनी डेमिनि राबुको बलमा क्याच आउट भएका हुन् । 

नेपालले आफ्नो पहिलो विकेटको रूपमा कुशल भुर्तेललाई गुमाएको थियो । कुशल १५ रन बनाउँदै आउट भएका थिए । कुशलसँगै ओपनिङमा आएका आसिफ सेख नेपालका लागि दोस्रो विकेटको रूपमा आउट भएका थिए । उनी ३० रन बनाएर आउट भए ।

उनी १३औँ ओभरको पाँचौँ बलमा क्याच आउट भएका हुन् । उनलाई पनि रबुले आउट गराएका हुन् ।

यसअघि टस जितेर पहिलो ब्याटिङ गरेको पीएनजीले ३३ ओभरमा सम्पूर्ण विकेट गुमाउँदै मात्र १३४ रन बनाएको थियो । नेपालले १८ ओभरको समाप्तीमा ३ विकेट गुमाएर ६१ रन बनाएको छ ।