काठमाडौं । नेपाली राष्ट्रिय क्रिकेट टोलीले अहिले पपुवा न्युगिनी (पीएनजी)विरुद्ध पहिलो एकदिवसीय अन्तर्राष्ट्रिय क्रिकेटमा प्रतिस्पर्धा गरिरहेको छ ।

ओमानको अल अमिरात क्रिकेट मैदानमा पीएनजीले दिएको १३५ रनको लक्ष्य पछ्याएको नेपालले १२औँ ओभरको पहिलो बलमा आफ्नो पहिलो विकेट गुमाएको हो ।

नेपालले आफ्नो पहिलो विकेटको रूपमा कुशल भुर्तेललाई गुमाएको हो । कुशल १५ रन बनाउँदै आउट भए ।

कुशलसँगै ओपनिङमा आएका आसिफ सेख नेपालका लागि दोस्रो विकेटको रूपमा आउट भएका छन् । उनी ३० रन बनाएर आउट भए । उनी १३औँ ओभरको पाँचौँ बलमा क्याच आउट भएका हुन् ।

यसअघि, टस जितेर पहिले ब्याटिङ गरेको पीएनजीले ३३ ओभरमा सम्पूर्ण विकेट गुमाउँदै मात्र १३४ रन बनाएको थियो ।

१३ ओभरको समाप्तीमा नेपालले दुई विकेट गुमाएर ४९ रन बनाएको छ ।