काठमाडौं । साविकको विजेता बायर्न म्युनिखले जर्मन बुन्डेसलिगा फुटबल अन्तर्गत नयाँ सिजनको पहिलो खेलमा बराबरी खेलेको छ । शुक्रबार राति भएको खेलमा बोरुसिया मोन्चेनग्लाडबाखसँग १–१ गोलको बराबरीमा रोकिएको हो ।

मोन्चेनग्लाडबाखको मैदानमा भएको खेलको १० औं मिनेटमा अलसाने प्लिआले गोल गर्दै मोन्चेनग्लाडबाखलाई अग्रता दिलाएका थिए । ४२ औं मिनेटमा जोसुवा किमिचको पासमा लेवान्डोस्कीले गोल गर्दै बायर्नलाई हारबाट जोगाए ।

बराबरीसँगै बायर्नले सिजनको पहिलो खेलमा १ अंक पाएको छ । मोन्चेनग्लाडबाखले पनि पहिलो खेलमा १ अंक जोडेको छ । 

गत सिजन उत्कृष्ट प्रदर्शन गरेको बायर्नले यो सिजन कमजोर सुरुवात गरेको छ ।