काठमाडौं । रातो मछिन्द्रनाथलाई पुल्चोकमा रहेको रथबाट निकालेर बुङगमती लगेर जात्रा आज सम्पन्न गरेको छ ।
रातो मछिन्द्रनाथको जात्रा नेपालको सबैभन्दा लामो जात्रा मानिन्छ । ललितपुरको पुल्चोकबाट रथ तानेर पाटनको विभिन्न टोलमा राखी पुजा गर्ने चलन छ ।
रथ लगनखेल पुर्याएपछि मछिन्द्रनाथ र मिननाथको रथबाट नरिवल खसाल्ने चलन छ । अन्तिम दिनमा बिहान महिलाहरुले रथ तानेपछि अर्को साइत ननिकालेसम्म त्यतै राखिन्छ ।
शुभ साइत निकालेपछि रथलाई तानेर जाउलाखेल पुराइन्छ र त्यसको चार दिनमा भोटो देखाएर बुङगमती लग्ने चलन छ ।
यस वर्ष कोरोनाले गर्दा जात्रा पूरा नगरि पुल्चोकबाट बुङगमती लगिएको हो । तर, बुङगमती लैजाने बेलामा बुङगमतीमा परम्परा अनुसार पराल बालेर रातो मछिन्द्रनाथलाई स्वागत गरी यो वर्षको जात्रा सम्पन्न गरेका छन् ।