चितवन । भरतपुर अस्पतालको कोभिड-१९ प्रयोगशालामा गरिएको कोरोना परीक्षणमा चितवनका १५ सहित १७ जनामा संक्रमण पुष्टि भएको छ । 

भरतपुर अस्पताल कोभिड १९ प्रयोगशालामा सोमबार राति १० बजे सार्वजनिक गरिएको नतिजा अनुसार चितवनका १५ र अन्य जिल्लाका २ जना गरी १७ जनामा कोरोना संक्रमण देखिएको हो । 

प्रयोगशालाका अनुसार भरतपुर महानगरपालिका ७ जना महिला र २ जना पुरुष , रत्ननगर नगरपालिकाका  १ पुरुष र १ महिला र राप्ती नगरपालिका २ पुरुष र २ महिलामा कोरोना पुष्टि भएको हो । 

त्यस्तै  मकवानपुरका १ महिला  र नवलपुरका १ महिलामा कोरोना पुष्टि भएको छ । प्रयोगशालाले ४०५ जनाको परीक्षण गरिएको मध्ये ३८८ जनामा नतिजा परीक्षण नेगेटिभ आएको छ ।