भक्तपुर । सिर्जना अभियानले साहित्यिक क्षेत्रको विकाससँगै साहित्यकै पनि विकास र लेखनलाई सार्थक तुल्याउने उद्देश्य साथ साप्ताहिक रूपमा स्रष्टाहरूसँग सिर्जना संवाद र भेटघाट कार्यक्रमको थालनी गरेको छ ।

भक्तपुरको बाराहीस्थानमा आयोजना गरिएको अनौपचारिक कार्यक्रममा कविहरू नवीनप्रकाश श्रेष्ठ, सुरेन्द्रलाल भुजू, तेजकृष्ण श्रेष्ठ, हरिगोविन्द भोमी, काशीराम विरस, ध्रुवनारायण जोन्छे, रामेश्वर भुजू र श्याम आशा आ–आफ्नो आफ्नो विचार राखेका थिए ।
 
अभियानका सचिव साहित्यकार ध्रुव मधिकर्मीले विश्वव्यापी रूपमा फैलिरहेको कोरोना भाइरस संक्रमणको महामारीका कारण लेखकहरू जिल्लाबाहिर जान नसकिने अवस्था रहेकाले स्थानीय स्तरमै साहित्यिक गतिविधिको आयोजना गर्ने गरी संवाद सुरु गरिएको बताए ।