काठमाडौं । यातायात व्यवस्था विभागले सार्वजनिक सवारी साधनमा गीत बजाउन प्रतिवन्ध नलगाइएको बताएको छ । 

आइतबार एक विज्ञप्ती जारी गर्दै विभागले ०७६ पुस १९ गते जारी गरेको सूचनामा गलत बुझाइ रहेको भन्दै क्याविनमा मात्रै नराख्न भनिएको स्पष्ट पारेको हो ।

चालकको ध्यान खिच्ने गरी अनावश्यक साजसज्जा गरेर क्याविनमा राखिएको म्युजिक सिस्टम मात्रै हटाउन आग्रह गरिएको तर गाडीको अन्य ठाउँमा राखेर बनाउन रोक नलगाइएको जारी विज्ञप्तीमा उल्लेख छ । 

संगीत तथा चलचित्र उत्पादक समाजले ०७६ पुस १९ गते विभागले सार्वजनिक गरेको सूचनाबारे स्पष्ट पार्न माग गरेको थियो ।